Björk

Ég er kominn af sjó. Veltist um í Björgvin EA-311 með fjórtán öðrum karlmönnum í nokkra daga. Það var ágætt. Fín æfing fyrir sumarið.

Þá var mér tilkynnt að ég ætti miða á Björk. Það var gaman að fá miða svona algerlega óforvarendis. Og hún stóð svo sannarlega fyrir sínu hún Björk. Mikið rosalega syngur hún vel. Nýju lögin hennar hljómuðu líka prýðilega. Sérstaklega þótti mér lagið Declare Independence, sem hún tileinkaði Grænlendingum og Færeyingum frambærilegt. Dálítið afturhvarf til fyrri verka, það hefði allt eins getað verið á t.d. Post eða Debut. Ég hugsa að ég fjárfesti í eintaki af plötunni Volta sem kemur út 7. maí n.k.

Svo er skóli á morgun, síðasti áfanginn fyrir útskrift. Þetta hefst allt fyrir rest.