Af kökubakstri.

Við Kristín erum feikidugleg. Nú þegar búin að baka tvær smákökusortir: mömmukossa og hermanns - mæðrum okkar beggja til ómældrar ánægju. Fyrri tegundina þekkja flestir en þá síðari má finna í kökubók Hagkaupa. Að sjálfsögðu var kryddmagnið í þeirri aukið og súkkulaði bætt í. Og ekki þýðir að slá slöku við enda bíða nú allavega þrjár sotrir til viðbótar lögunar og bökunar og vinnist tími til er aldrei að vita nema soðið verði súkkulaði í nokkra konfektmola.

Ástæða þessarar ótrúlegu fyrirhuggju er tilhlökkun eftir jólunum. Síðastliðin fjögur ár hef ég vart haft tíma til þess að hlakka til jólanna og nú í tóminu eftir vinnu leitar hugurinn að einhverju til að hugsa um og vinna að. Ég vona að við höfum bara ekki byrjað of snemma og fáum ógeð á tilstandinu.

Þá vil ég taka undir með menntamálaráðherra sem sagði það argasta ósið að gefa íslenskum búðum útlenskt nafn. Heyr heyr.