Af frídögum og komandi dögum...

London var svei mér skemmtileg borg. Rosalega mikið af fólki. Oxford og Cambridge voru að sama skapi huggulegir skólabæir. Þótti Cambridge búvænlegri. Virtist rólegara og svo eru fræðin í mínum stíl. Feta í fótspor Newton og Hawking, Barrett og Gilmour. Ekki slæmt það. Þar væri gaman að búa nema einn daginn.

Framundan er sitthvað. Hæst bera sennilega skiladæmi tvö hjá Áskeli en þeim ber að skila á föstudaginn kemur. Þá etur MA kappi við Versló í Gettu Betur á föstudagskvöldið og sólarhring síðar mætast Eygló og MR í Morfís-keppni. Umræðuefnið er Er Akureyri betri en Reykjavík og mælir Eygló með en MR-ingar á móti.

Á næstu dögum svo flyst lögheimili mitt úr Bjarkarbraut 1 yfir í Hólaveg 9. Hripi þetta hjá sér sem vilja en hinir skeyti engu...

Út vil ek...

Brátt held ég utan.
Á miðvikudaginn bruna ég út fyrir bæjarmörkin til Reykjavíkur. Í háskóla- og starfskynningu með fjórða bekk.
Eftir viku flýg ég svo frá suðvesturhorninu til London. Í vísindaferð með fjórða X.
Það verður svei mér gaman...

Nóg að gera í fjórða bekk...

Ég var að byrja síðustu önnina mína í Menntaskólanum í dag. Hún byrjaði heldur tómlega... á FIMMFALDRI eyðu. Fór í tvo tíma þennan daginn. Fer í þrjá tíma á morgun. Mér líst illa á þetta. Ekkert að gera. Það er ómögulegt.

Og það á fjórða ári...