Af Morfís...

Þótti heldur súrt í broti að lúta í lægra haldi fyrir Verslunarskólanum í Mælsku- og rökræðukeppni framhaldsskóla á Íslandi s.l. föstudag. En illt er að deila við dómarann svo ég læt þetta að mestu óátalið.

Satt að segja vona ég að Verslingar haldi uppteknum hætti og haldi til streitu sínum beinskeytta og vafningalausa ræðustíl sem einkenndi liðið í Kvosinni. Svo alþjóð sjái hversu frábært en umfram allt rökfast og mælkst ræðulið er þar á ferð...

Eygló gegn Versló...

Í kvöld etja kappi Morfíslið MA, Eygló og lið Verslunarskólans í Kvos Menntaskólans á Akureyri. Keppnin hefst kl. 20:00. Ég hvet alla til að mæta og styðja mig, Birnu, Guðna og Val. Við ætlum að vinna þessa keppni...

Af snillingum...

Ég tek hatt minn ofan fyrir snillingnum Sacha Baron Cohen og hvet um leið alla til að leggja leið sína að sjá kvikmynd hans Borat.

-Are you saying that the man who was trying to put a rubberfist in my anus was a gay person?

Af blaktandi rauðum fánum...

Rakst á ljóð eftir Jóhannes úr Kötlum. Það heitir Fyrsti maí. Má til með að deila broti úr ljóðinu.

En rauðu fánarnir rísa
yfir riðandi múgsins höfuð.
-Það er lýðsálin, lituð í blóði
það er lýðsagan eldi stöfuð.
Það er hatrið gegn helvíti og kirkju
og hervaldi og auðkóngastjórn.
Það er eiðstafur öreigastéttar
um uppreisn - og hinztu fórn.

Því fórnin er viðkvæði vorsins,
-það vekur og kann ekki að hlífa,
og sízt af öllu sér sjálfu.
Með sjálfsfórn skal illt út drífa.
-Hin argasta andstyggð, sem þekkist,
stenzt aldrei þann drengskap sem ký
í sölurnar líf sitt að leggja.
Gefið lífið - og sigur er vís.

Þetta er svo innilega kommúnískt að ég bara mátti til...