Haldið út í heim

Á nýju ári leggja í ‘ann ferðalangar tveir,
um lönd með fúlan daun og ferska angan.
Á vegi verða fjöll og dalir, firðir, sykurreyr,
feigir hundar, helgar kýr og menn með aga strangan.

Með bakpokana burðast yfir vegleysur og leir,
á baki á kameldýri langt frá þéttbýlisins ys.
Lesa má af villum vega, mafíu og fleir
á vefsíðunni reisubok (.) blogg punktur is.

Nú styttist óðum í ferðina miklu yfir hafið. Af því tilefni höfum við Kristín opnað nýja bloggsíðu á vefslóðinni www.reisubok.blogg.is.

Þá ætla ég hér með að loka þessu vefsetri tímabundið eða ótímabundið - er ekki viss hvort verður.

Takk fyrir mig í bili.